La bici del nòno Piero
El Pino el fioeu dell’Ambrogina,
la decis de alzaa sù el tett della ca
per fa sù un appartament
per el fioeu che el se sposa.
Bisogna svoià el soree.
Ciamà un impresa costa tropp.
Allora el se mètt adre de bona lena,
e sabet mattina el comincia
portà giò la roba veggia
e alter cent cadenaj, poeu
In fond al sorree gh’è un armàdi grand
del sècol passaa, della nòna Gina.
El derva armàdi el Pino el resta de stucch,
dent gh’è,attacada sù, la bici del nòno Piero
Una Legnano de corsa, del 1936.
in fianch, Taccà sù una divisa
della squadra del Legnano,
Appogia sul fuond una valìsetta,
cont denter dei ritàj de giornal.
El nòno Piero l’era un corridor ciclista
tesserà del gropp amatori ambrosiano.
La vìncuu des gare e tanti second post
Allera un bel campion, el nonna Piero.
Poeu le parti soldà l’è minga tornaa della guerra.
La nòna Gina gh’ha mai avuu el coragg
de dervii l’armàdi.
El Pino el sara su l’armàdi,
el resta lì pensieros.
“Pino ven giò che l’è pront.”
L’è la vòs della Rosa ch’el ciama.
Per el paccià del mezzodì.
El Pino a la nott stessa
El se sògna el nòno Pino
In sella alla soa Legnano
Che el scala le dolomiti
insema a Bartali, Guerra, el Binda,
e lu sempre in testa el tira el grupp.
In maglia rosa e tutt insema i tifuss
Che vosen: Vai Pino che sei solo.
El se agita nel sògn,
la Rosa la ghe da un frucch
e lu el se sveglia.
Te gh’è che… te se agitavet nel sògn?
Ho sògnà el nòno Pino
Se tà dì, tà da i numer del lott.
No. Ma dì de vend nò la soa bici.
Ch’el dev pedalà anmò su
I salid del ciel.
La Rosa la ghe dis;
Vialter ciclisti si tùcc foeùra de melon.
El Pino el se gira e tòrnà ha sognà.
El nòno Piero che vola in su i montagn.
